Արմինֆո. Փոքր մոդուլային ռեակտորներով ԱԷԿ-ի կառուցման ժամկետները շատ ավելի կարճ են, քան՝ ավանդական բլոկներինը։ Այդ մասին ապրիլի 30-ին ճեպազրույցում հայտարարել է ՀՀ վարչապետ Նիկոլ Փաշինյանը, պատասխանելով "Քաղաքացիական պայմանագիր" կուսակցության նախընտրական ծրագրի վերաբերյալ հարցին, որում նշված է, որ մինչեւ 2027 թվականի ավարտը պետք է ընտրել շինարարության համար տեխնոլոգիա։ Վարչապետը կարծում է, որ ՓՄՌ-ով ԱԷԿ-ը կարելի է կառուցել մինչև 2036 թվականը։
Նշենք, որ փոքր մոդուլային ԱԷԿ-ների կառուցման ժամկետները սովորաբար կազմում են 2-4 տարի, ինչն ավելի արագ է, քան ավանդական ԱԷԿ-ներինը (7-10 տարի)՝ մոդուլների գործարանային հավաքման շնորհիվ։ Առաջին բլոկներն արդեն շահագործվում են, իսկ լայն առեւտրային ներդրումը նախատեսվում է առաջիկա 10-20 տարիների ընթացքում։ Մինչդեռ, Հայաստանը միայն 2027 թվականին է մտադիր կողմնորոշվել նոր կայանի մոդելի և արտադրող երկրի հարցում։ Ներկայիս ԱԷԿ-ում շարունակվում է շահագործման ժամկետը մինչև 2036 թվականը երկարաձգելու ուղղությամբ աշխատանքը։ Մինչ այդ Հայաստանում պետք է կառուցվի նոր ԱԷԿ։
