Երեքշաբթի, 17 Նոյեմբերի 2026 13:53
Ալինա Հովհաննիսյան

Քաղաքացիական ավիացիայի կոմիտեն ԵՄ գործընկերների հետ քննարկել է անվտանգության չափանիշների բարելավման հարցը

Քաղաքացիական ավիացիայի կոմիտեն ԵՄ գործընկերների հետ քննարկել է անվտանգության չափանիշների բարելավման հարցը

ԱրմԻնֆո. Եվրոպական Միության ֆինանսական աջակցությամբ իրականացվող «Աջակցություն Հայաստանի քաղաքացիական ավիացիային անվտանգության չափանիշների ոլորտում» թվինինգ նախագծի ղեկավար կոմիտեի չորրորդ նիստը տեղի է ունեցել։

Հանդիպման ընթացքում ամփոփվել են ընթացիկ նախագծի իրականացման արդյունքները, նշվել են առաջիկա խնդիրները և հաստատվել է հաջորդ վեց ամիսների (2026 թվականի հոկտեմբերից մինչև 2027 թվականի մարտ) աշխատանքային պլանը։

Նախագծի հիմնական ոլորտներն են թռիչքային անվտանգության և ավիացիոն անվտանգության վերահսկողության ամրապնդումը, մասնագիտական կարողությունների և անձնակազմի որակավորման զարգացումը, որակի կառավարման համակարգի բարելավումը և նորարարական լուծումների ներդրումը։

«ԵՄ-ի և Ռումինիայի գործընկերների հետ համատեղ աշխատանքը շարունակում է ամրապնդել կոմիտեի կարողությունները և խթանել Հայաստանի քաղաքացիական ավիացիայի զարգացումը՝ համապատասխան եվրոպական և միջազգային չափանիշներին», - ասվում է Քաղաքացիական ավիացիայի կոմիտեի հայտարարության մեջ։