ԱրմԻնֆո. 2026 թվականի նոյեմբերի 12-ից Ռոսսելխոզնադզորը վերսկսում է ռուսաստանյան ստացողների մատակարարման համար նախատեսված հայկական «Մոդուս Գրանում» ՍՊԸ-ի արտադրանքի անասնաբուժական հավաստագրումը։ Այս մասին հայտնում է ՀՀ-ում ՌԴ առևտրային ներկայացուցչությունը
"Հավաստագրման վերսկսումը հնարավորություն է ընձեռում շարունակել ձեռնարկության արտադրանքի մատակարարումները ռուսական շուկա", - ասվում է հաղորդագրության մեջ։
Ավելի վաղ՝ հոկտեմբերի կեսերին, ռուսական գերատեսչությունը դիմել էր Հայաստանի սննդամթերքի անվտանգության տեսչական մարմնին՝ խնդրելով հոկտեմբերի 15-ից մինչև ռուս մասնագետների կողմից արտադրության ստուգումն իրականացնելը կասեցնել ձեռնարկության վերահսկվող արտադրանքի հավաստագրումը։
«Մոդուս Գրանում» ՍՊԸ-ն մասնագիտացած է հացահատիկի վերամշակման, ալյուրի և համակցված կերերի արտադրության ոլորտում։
