ԱրմԻնֆո. Երեկ երեկոյան Իրանի փոխնախագահ Սեյեդ Համիդ Փուրմոհամմադին ժամանեց Երևան: Այցի մասին տեղեկատվությունը իր Ֆեյսբուքյան էջում հրապարակել է ՀՀ տարածքային կառավարման և ենթակառուցվածքների նախարար Դավիթ Խուդաթյանը, ով պատվավոր հյուրին դիմավորել է Երևանի «Զվարթնոց» օդանավակայանում:
Սեյեդ Համիդ Փուրմոհամմադին Իրան-Հայաստան միջկառավարական հանձնաժողովի համանախագահն է, որի 19-րդ նիստը նախատեսված է նոյեմբերի 9-ին Երևանում: Հանձնաժողովի նախորդ 18-րդ նիստը տեղի է ունեցել Թեհրանում 2024 թվականի նոյեմբերի 14-15-ին:
ՀՀ վիճակագրական կոմիտեի տվյալներով՝ Հայաստանի և Իրանի միջև առևտրաշրջանառությունը 2026 թվականի առաջին կիսամյակում կազմել է 371.4 միլիոն դոլար, ինչը 8.4%-ով ավելի է նախորդ տարվա նույն ժամանակահատվածի համեմատ: Հայաստանից Իրան արտահանումը կազմել է 42.8 միլիոն դոլար (6% նվազում), իսկ Իրանից Հայաստան ներմուծումը՝ 336.9 միլիոն դոլար (12% աճ): Կողմերը ներկայումս քննարկում են համագործակցության ընդլայնման, «կանաչ մաքսային միջանցքով» ընթացակարգերի պարզեցման և Նորդուզ-Ագարակ սահմանային անցակետի թողունակությունը օրական 300 բեռնատարի հասցնելու հարցերը՝ երկարաժամկետ նպատակ ունենալով փոխադարձ առևտրաշրջանառությունը հասցնել 3 միլիարդ դոլարի:
