Արմինֆո. Էկոնոմիկայի նախարարության համար մեծ նշանակություն ունեն խոշոր ներդրումները, և դա մեծ քայլ է դեպի երկարաժամկետ կայունություն։ Էկոնոմիկայի փոխնախարարն այդպես է մեկնաբանել է Հրազդանում NVIDIA ընկերության գրաֆիկական պրոցեսորներով (GPU) արհեստական բանականության գործարանի բացումը՝ Երեւանում ընթացող երկրորդ ներդրումային-ֆինանսական համաժողովի շրջանակներում տեղի ունեցած պանելային քննարկման ժամանակ:
«Պետք է նշել, որ Հայաստանում GPU-ի արտադրության մեծ հնարավորություններ կան։ Բայց հարցն այն է, թե արդյոք մենք իսկապես ցանկանում ենք դա կիրառել ԱԲ ոլորտում հետազոտությունների, կառավարման բարելավման, արագացման, թվայնացման համար", - նշել է Գասպարյանը։ Նա ընդգծել է, որ հաջորդ մարտահրավերը կլինի այդ հնարավորությունների օգտագործումը բիզնեսի, հատկապես, փոքր բիզնեսի, ստարտափների խթանման համար: «Մեզ համար մեծ մարտահրավեր է GPU-ի հնարավորությունների ճիշտ օգտագործումը: Մենք (կառավարությունը) նույնպես պետք է դա կիրառենք մեր գործընթացներում։ Չէ որ՝ դրանք մեծ հնարավորություններ են, և մենք պետք է արդեն սկսենք", - ընդգծել է նա։
Հիշեցնենք, որ օրեր առաջ Firebird ընկերության համահիմնադիր Ալեքսանդր Եսայանը մամուլի ասուլիսի ժամանակ հաղորդել էր, որ Հրազդանում Firebird ընկերության ԱԲ գործարանի կառուցման ծրագրի իրականացման երեք փուլերի շրջանակներում հաշվողական ենթակառուցվածքը կհասնի 100 հազար GPU-ի: Նա հիշեցրել էր, որ առաջին փուլի շրջանակներում մատակարարվել է 6144 GPU NVIDIA B200, երկրորդ փուլի շրջանակներում կտեղադրվի 45 հազար GPU Vera Rubin, իսկ երրորդ փուլի շրջանակներում՝ 60 հազար GPU Vera Rubin:
Նշենք, որ Երեւանում «Հնարավորությունների ժամանակը․ Հայաստանը համաշխարհային շուկաների նոր ճարտարապետությունում» խորագրի ներքո ընթացող համաժողովի ուշադրության կենտրոնում են Հայաստանի ներդրումային և ֆինանսական էկոհամակարգի զարգացման գործնական ուղղությունները, կապիտալի ներգրավման նոր հնարավորությունները, երկրի մրցակցային դիրքերի ամրապնդումը գլոբալ տնտեսական փոփոխությունների պայմաններում, ինչպես նաև միջազգային ֆինանսական համակարգում Հայաստանի դերի ընդլայնումը:
Գործարար ծրագիրը միավորում է լիագումար նստաշրջանը և պանելային քննարկումները՝ նվիրված կապիտալի շուկաների զարգացմանը, ներդրումային գործիքներին, ֆինանսական ինստիտուտների դերին, ֆինանսական հատվածի թվային փոխակերպմանը և մարդկային կապիտալի զարգացմանը:
Համաժողովը համախմբել է ավելի քան 500 մասնակիցների, այդ թվում ՝ պետական, ֆինանսական և գործարար հատվածների, ինչպես նաև փորձագիտական հանրության ներկայացուցիչների:
