Արմինֆո. Հայաստանի էկոնոմիկայի նախարար Գևորգ Պապոյանն օգոստոսի 12-14-ը աշխատանքային այցով կգտնվի Ղազախստանում:
Ինչպես ասվում է կառավարության կայքում հրապարակված ՀՀ վարչապետի որոշման մեջ, Պապոյանը կմասնակցի Ալմաթիում կայանալիք Եվրասիական տնտեսական միության ագրոարդյունաբերական քաղաքականության խորհրդի 7-րդ նիստին:
Հիշեցնենք, որ խորհրդի նախորդ նիստը կայացել էր 2025 թվականի նոյեմբերին Մինսկում։
Նշենք, որ օրեր առաջ Եվրասիական տնտեսական հանձնաժողովի (ԵՏՀ) արդյունաբերության և ագրոարդյունաբերական համալիրի հարցերով նախարար Գոհար Բարսեղյանը հաղորդել էր, որ Միության ագրարային ճյուղն, ընդհանուր, առմամբ դրական արդյունքներ է ցույց տալիս: Մասնավորապես, գյուղմթերքի արտադրությունը 5 տարում աճել է 12,4% - ով, փոխադարձ առևտուրը ՝ գրեթե 2 անգամ, արտահանումը՝ 40% - ով։ Միության սննդամթերքի ինքնաբավության մակարդակը 2025 թվականին հասել է 93,5% - ի: "Ելնելով կլիմայական և արտադրական հնարավորություններից՝ անդամ պետությունները փոխլրացնում են միմյանց շուկաները", - ընդգծել էր նա:
