Արմինֆո. Սամվել Կարապետյանին պատկանող "Հայաստանի էլեկտրական ցանցեր" (ՀԷՑ) ՓԲԸ-ի դեմ Հայաստանի կառավարության կողմից ձեռնարկված ցանկացած գործողություն, ներառյալ դրանց ուղղակի ազգայնացումը, կխախտի Ստոկհոլմի արբիտրաժային տրիբունալի կողմից 2025 թվականի հուլիսին կայացված որոշումները:
Այդ մասին ասվում է ՀԷՑ-ի Վերահսկողական կոմիտեի հայտարարության մեջ, որը հրապարակվել է ՀՀ կառավարության այն հաղորդագրությունից հետո, որ Ստոկհոլմի արբիտրաժային տրիբունալն ամբողջությամբ բավարարել է վարույթի երկատման Հայաստանի միջնորդությունը` Liormand Holdings Limited ընկերությունը և Կարապետյաններն ընդդեմ Հայաստանի արբիտրաժային գործով:
"Ստոկհոլմի արբիտրաժային տրիբունալի արբիտրները որոշել են, որ Հայաստանի կառավարության առարկությունները քննվելու են առանձին փուլում ՝ առանց որևէ եզրահանգման այդ առարկությունների էության վերաբերյալ։ "Կարեւոր է ընդգծել, որ այս որոշման նպատակների համար Տրիբունալը պարտավոր չէ որոշում կայացնել այդ առարկությունների էության վերաբերյալ: Իրականում, եթե նա դա աներ, Տրիբունալը օրինական քննադատության կենթարկվեր այն բանի համար, որ նա մտադիր էր գործի էության ոչ պատշաճ և վաղաժամ գնահատում կատարել", - պարզաբանել են կոմիտեում։
Ինչպես հստակեցրել են ՀԷՑ-ի Վերահսկողական կոմիտեում, դա նշանակում է, որ այս պահին Ներդրումային արբիտրաժում քննարկվելու են միայն ընթացակարգային և իրավազորության հարցեր: "Հարկ է նաև նշել, որ անցած տարվա հուլիսին ընդունված որոշումները մնում են ուժի մեջ, և ՀԷՑ-ի դեմ Հայաստանի կառավարության կողմից ձեռնարկված ցանկացած գործողություն, այդ թվում ՝ ուղղակի ազգայնացումը, կխախտի դրանք", - ասվում է Կոմիտեի Facebook-յան հրապարակման մեջ:
Հիշեցնենք, որ " Liormand Holdings Limited-ն ու Կարապետյաններն ընդդեմ Հայաստանի" գործը միջազգային ներդրումային արբիտրաժ է (Ստոկհոլմի Առևտրի պալատի արբիտրաժային ինստիտուտում), որը նախաձեռնվել է կիպրական ընկերության և Կարապետյան ընտանիքի անդամների կողմից ընդդեմ Հայաստանի կառավարության ՝ "Հայաստանի էլեկտրական ցանցեր" (ՀԷՑ) ՓԲԸ ազգայնացման փորձի պատճառով: 2025 թվականի հուլիսին արտակարգ արբիտրը ժամանակավոր միջոցների մասին որոշում էր կայացրել ՝ Հայաստանին պարտավորեցնելով ձեռնպահ մնալ հարկադիր օտարման մասին օրենքների կիրառումից, սակայն մերժել էր հայցվորների մնացած պահանջները։ 2025 թվականի նոյեմբերին Հայաստանի Հանրային ծառայությունները կարգավորող հանձնաժողովը (ՀԾԿՀ) ՀԷՑ-ին զրկեց էլեկտրաէներգիայի բաշխման լիցենզիայից։
