Արմինֆո. Եթե չհաջողվի արտահանման մատակարարումները վերակողմնորոշել դեպի նոր շուկաներ, եւ Հայաստանի արտադրողները պահպանեն կողմնորոշումը դեպի ռուսական շուկա, ապա, Հայաստանի Կենտրոնական բանկի գնահատականների համաձայն, գնանկումային ազդեցությունը նման սցենարի դեպքում կարող է կազմել 0,6 տոկոս: Այդ մասին հունիսի 16-ին կայացած մամուլի ասուլիսի ժամանակ ասել է ՀՀ ԿԲ նախագահ Մարտին Գալստյանը ՝ պատասխանելով լրագրողների հարցերին։
Մասնավորապես, նա նշել է. "Մրգերի եւ բանջարեղենի, գազավորված եւ չգազավորված ջրի, ալկոհոլային խմիչքների եւ կորիզավոր մշակաբույսերի որոշակի մասի շուկայում առաջարկի աճի դեպքում մենք կարող ենք բախվել գնանկումային երեւույթների": Բայց այդ ազդեցությունն ավելի մեղմ կլինի, եթե հաջողվի վերակողմնորոշել մատակարարումները, որպեսզի արտահանումը չտուժի, կարծում է ԿԲ ղեկավարը։
Ինչ վերաբերում է տնտեսության վրա ազդեցությանը, Գալստյանը նշել է, որ ամեն ինչ կախված է զարգացման սցենարներից։ «Ապրանքների մասով կան որոշակի հաշվարկներ․ այդ զարգացումների շրջանակներում ազդեցությունը կարող է լինել մինչև ՀՆԱ-ի 2%։ Բայց մենք, հիմնականում, գնահատել ենք պահանջարկի թուլացման եւ առաջարկի աճի ազդեցությունը գնաճի վրա", - պարզաբանել է նա։
