Հայաստանի դեսպանը Կիպրոսի էներգետիկայի նախարարի հետ քննարկել է էներգետիկայի եւ առեւտրի ոլորտներում համագործակցությունը զարգացնելու հնարավորությունները

Արմինֆո. Ապրիլի 21-ին Նիկոսիայում դեսպան Իննա Թորգոմյանը հանդիպել է Կիպրոսի Հանրապետության էներգետիկայի, առևտրի և արդյունաբերության նախարար Միքայել Դամիանոսի հետ։

Ինչպես հաղորդում է Կիպրոսում Հայաստանի դեսպանատան մամուլի ծառայությունը, հանդիպման ընթացքում քննարկվել են երկկողմ համագործակցության հետագա զարգացման հնարավորությունները մասնավորապես էներգետիկայի և առևտրի ոլորտներում։

Զրուցակիցները մտքեր են փոխանակել առևտրատնտեսական հարաբերությունների ընդլայնման և գործարար կապերի խթանմանմ ուղղված նախաձեռնությունների, ինչպես նաև վերականգնվող էներգետիկայի շրջանակում համագործակցության հեռանկարների շուրջ։

Կողմերը կարևորել են գործնական համագործակցության խթանումը և տնտեսական կապերի ամրապնդումը։