Հայաստանի առևտրի հատվածի աճի տեմպերը դանդաղում են

Արմինֆո.  Հայաստանի առևտրի հատվածը 2026թ. հունվար-փետրվարին դանդաղեցրել է տարեկան աճի տեմպը՝ 7,8%-ից մինչեւ 3,3%՝ ապահովելով 892.2 մլրդ դրամ (2.4 մլրդ դոլար) ծավալ։ Ինչպես վկայում են ՀՀ վիճակագրական կոմիտեի տվյալները, միայն այս տարվա փետրվարին Հայաստանում առևտրաշրջանառությունն աճել է 14,4 տոկոսով՝ մինչև 477,5 մլրդ դրամ (1,3 մլրդ դոլար)։

Հատվածի տարեկան վերընթաց դինամիկայի նման նեղացումը պայմանավորված է գերիշխող մեծածախ առևտրի աճի արգելակմամբ՝ 9,2%-ից մինչև լճացման 0,8%՝ ապահովելով 566,6 մլրդ դրամ (1,5 մլրդ դոլար) հասույթ։

Պակաս նկատելիորեն դանդաղել է նաև ավտոմեքենաների առքուվաճառքի ծավալի աճը՝ 9,4%-ից մինչեւ 5,8%՝ կազմելով 34.2 մլրդ դրամ (90.3 մլն դոլար)։

Ընդ որում, մանրածախ առեւտրի տարեկան աճն արագացել է  զուսպ՝ 4,9 տոկոսից մինչեւ 8,1 տոկոս՝ ապահովելով 291,4 մլրդ դրամ (769,5 մլն դոլար) հասույթ։