Արմինֆո.Եվրասիական տնտեսական հանձնաժողովի խորհուրդը մարտի 13-ի նիստում որոշում է ընդունել, որը սահմանում է սպառողական փաթեթավորմամբ հրուշակեղենի առանձին տեսակների նկատմամբ մակնշման միասնական կանոններ: Այս մասին ասվում է ԵՏՀ հաղորդագրության մեջ։ Ստորագրված փաստաթղթի համաձայն, Եվրասիական տնտեսական միության երկրներն ինքնուրույն կորոշեն իրենց տարածքում նույնականացման միջոցներով արտադրանքի ներմուծման ամսաթիվը և մակնշման կարգը՝ այդ մասին ԵՏՀ-ին տեղեկացնելով ոչ ուշ, քան համապատասխան միջոցառումների մեկնարկից վեց ամիս առաջ:
"Մակնշվող ապրանքատեսակների թվի ընդլայնումը վկայում է Միության մակնշման ընդհանուր համակարգի զարգացման մասին, որը թույլ է տալիս սպառողներին համոզվել արտադրանքի իսկության մեջ, ինչպես նաև բարձրացնում է շուկայի բարեխիղճ մասնակիցների մրցունակությունը ՝ ապօրինի շրջանառության նվազեցման հաշվին", - նշել է ԵՏՀ առևտրի նախարար Անդրեյ Սլեպնյովը:
Նա ընդգծել է, որ մակնշումը կատարվելու է միասնական կանոններով ՝ պահպանելով ԵԱՏՄ-ում նույնականացման միջոցներով ապրանքների մակնշման համակարգի բազային տեխնոլոգիական կազմակերպչական մոդելի դրույթները, որը հաստատվել է ԵՏՀ խորհրդի 2019 թվականի որոշմամբ: Այսպիսով՝ կապահովվի ծածկագրերի փոխադարձ ճանաչումը, ինչը կբացառի ապրանքների վերամակնշման անհրաժեշտությունը Միությունում դրանց շրջանառության ժամանակ ։
