Արմինֆո.Այսօրվա դրությամբ ԵԱՏՄ երկրները միասնական և հստակ մոտեցում չունեն էներգառեսուրսների ընդհանուր շուկայի կառուցման վերաբերյալ: Այդ մասին հայտարարել է վարչապետ Նիկոլ Փաշինյանը՝ փետրվարի 2-ին Ալմաթիում կայացած Եվրասիական միջկառավարական խորհրդի նիստում:
<Բարձր տեխնոլոգիաների ոլորտում համագործակցության հարցերի քննարկմանը զուգահեռ մեր ուշադրության կենտրոնում են փոխգործակցության այն ուղղությունները, որոնց շուրջ անհրաժեշտ է ձևավորել ընդհանուր շուկաներ: Չնայած այն հանգամանքին, որ 2025 թվականին նախատեսվում է գործարկել գազի, նավթի և նավթամթերքների ընդհանուր շուկաների գործունեությունը, այսօր ակնհայտ է անդամ պետությունների հստակ միասնական մոտեցման բացակայությունը էներգառեսուրսների ընդհանուր շուկայի կառուցման և զարգացման հեռանկարների տեսանկյունից",-նշել է Փաշինյանը։
Վարչապետը վստահ է, որ ընդհանուր շուկայի ստեղծումը ԵԱՏՄ բոլոր երկրներին կտա մի շարք առանցքային առավելություններ՝ նպաստելով տնտեսությունների կայուն զարգացմանը, բնակչության բարեկեցության բարձրացմանը, ինչպես նաև էներգետիկ անվտանգության ամրապնդմանը: "Հաշվի առնելով դա՝ կարծում ենք, որ մեր երկխոսությունը պետք է ուղղված լինի փոխզիջումային պայմանավորվածությունների որոնմանը", - հայտարարել է Նիկոլ Փաշինյանը:
