Արմինֆո.  ՀՀ պետական եկամուտների կոմիտեն հայտնում է, որ Հայաստանը ներդրել է ՏՀԶԿ Հարկային նպատակներով ֆինանսական հաշիվների վերաբերյալ տեղեկությունների ավտոմատ փոխանակման ստանդարտը, որի շրջանակում ֆինանսական հաշիվների վերաբերյալ տեղեկությունների փոխանակումը կիրականացվի 2025 թվականի սեպտեմբերի 30-ին։

Արմինֆո.

Արմինֆո. Մասնագիտությամբ մանկավարժ Աստղիկ Ղազարյանը չորս տարի առաջ իր հարազատ Մարմարիկ գյուղում հիմնել է «Մանանա» հյուրատունը, որտեղ այցելում են գյուղական պարզությունն ու ջերմությունը գնահատողները։ Այստեղ հյուրերը ջերմ հանգստից բացի կարող են ծանոթանալ նաև հին հայկական արհեստներին՝ գորգագործություն, թաղիքագործություն ու տիկնիկագործություն, ինչպես նաև մասնակցել քայլարշավերի ու համտեսել տնական բազմատեսակ ուտեստներ։

Արմինֆո.Որոշումն այն մասին, թե արդյոք Հայաստանը դուրս կգա Եվրասիական տնտեսական միության (ԵԱՏՄ) կազմից, որպեսզի ստանա Եվրոպական միության (ԵՄ) անդամակցություն, պետք է կայացնի բացառապես հայ ժողովուրդը, ընդ որում, պետք է կշռադատվեն բոլոր գործոնները: Ըստ "Ինտերֆաքս"-ի՝ այդ մասին հայտարարել է ՌԴ փոխվարչապետ Ալեքսեյ Օվերչուկը։

Արմինֆո. Հայաստանի համախառն միջազգային պահուստները 2025թ. օգոստոսին աճել են տարեկան 19,3% - ով կամ 658.8 մլն դոլարով՝ մինչև 4.070 մլրդ դոլար, մինչդեռ, մեկ տարի առաջ գրանցվել էր 17,3% կամ 715 մլն դոլար անկում: Այսպիսով, ՀՄՊ-ը ընդհուպ մոտեցել են 2023թ. օգոստոսին արձանագրված 4.2 մլրդ դոլար պատմական առավելագույնին: Այդ մասին են վկայում ՀՀ Կենտրոնական բանկի տվյալները:

Արմինֆո.Հայաստանի բանկային հատվածում ակտիվ սպառողական վարկավորման ֆոնին (29% աճ) խիստ արագացել է ժամկետանց վարկերի աճը՝ 6%-ից մինչեւ 39%՝ հաշվի առնելով բարձր ռիսկային անհուսալի վարկերը:

Արմինֆո.  Հայաստանն ու Չինաստանը հայտարարել են ռազմավարական գործընկերության մասին: Այդ մասին հաղորդել է ՀՀ էկոնոմիկայի նախարար Գևորգ Պապոյանը՝ հղում անելով Չինաստանում Շանհայի համագործակցության կազմակերպության (ՇՀԿ) գագաթնաժողովի շրջանակում ՀՀ վարչապետ Նիկոլ Փաշինյանի և Չինաստանի նախագահ Սի Ծինփինի հանդիպման արդյունքներին։

Արմինֆո.  Երեւանն ու Պեկինը ողջունում են վերջին տարիներին երկկողմ առեւտրի կայուն աճը եւ հայտնում են իրենց պատրաստակամությունը՝ ջանքեր գործադրելու դրա հետագա աճի ուղղությամբ, այդ թվում՝ հայկական արտադրանքի արտահանման խթանման եւ դրանց՝ չինական շուկա մուտք գործելու, ինչպես նաեւ Հայաստանում չինական ընկերությունների ներդրումների ներգրավման նպատակով։ Հայաստանը ողջունում է չինական ընկերությունների մասնակցությունը Հայաստանում իրականացվող ենթակառուցվածքային ծրագրերին։ Այդ մասին ասվում է Հայաստանի Հանրապետության և Չինաստանի Ժողովրդական Հանրապետության միջև ռազմավարական գործընկերություն հաստատելու մասին համատեղ հայտարարությունում:

Համաձայն փաստաթղթի՝ կողմերը հայտնում են իրենց պատրաստակամությունը՝ ամրապնդելու փոխանակումները եւ համագործակցությունը՝ առեւտրի եւ ներդրումային ներուժի ընդլայնման նպատակով այնպիսի ոլորտներում, ինչպիսիք են ենթակառուցվածքները, տեղեկատվական տեխնոլոգիաները, վերականգնվող էներգիայի աղբյուրները, գյուղատնտեսությունը, արդյունաբերությունը եւ այլն։

«Կողմերը ճանաչում են Տնտեսական համագործակցության միջկառավարական հանձնաժողովի էական դերը Հայաստանի եւ Չինաստանի միջեւ առեւտրատնտեսական հարաբերությունների հետագա զարգացման գործում եւ հայտնում են իրենց պատրաստակամությունը շարունակելու կանոնավոր կերպով գումարել Հանձնաժողովի նիստերը եւ ջանքեր գործադրել դրա որոշումների համապարփակ իրագործման ուղղությամբ, ինչի համար երկու կողմերն էլ բարձրացնում են Հանձնաժողովի համանախագահների մակարդակը։

Չինաստանը ողջունում է Հայաստանի ակտիվ մասնակցությունը Չինաստանի ներմուծման միջազգային ցուցահանդեսին, Չինաստանի ներմուծման եւ արտահանման տոնավաճառին, Չինաստանի ծառայությունների առեւտրի միջազգային տոնավաճառին, Գլոբալ թվային առեւտրի ցուցահանդեսին, Չինաստանի սպառողական ապրանքների միջազգային ցուցահանդեսին, Չինաստանի միջին եւ փոքր ձեռնարկությունների միջազգային ցուցահանդեսին, Չինաստանի ներդրումների եւ առեւտրի միջազգային տոնավաճառին եւ այլ խոշոր ցուցահանդեսների։ Չինական կողմն աջակցում է հայկական կողմին բարձրորակ ապրանքների առաջխաղացման եւ վաճառքի համար առցանց հարթակների օգտագործման հարցում։ Հայաստանը նույնպես ողջունում է չինական կողմի ակտիվ մասնակցությունը Հայաստանում կազմակերպվող միջազգային ցուցահանդեսներին եւ տոնավաճառներին, այդ թվում՝ «EXPO Food and Drinks», «ArmProd EXPO», «Build EXPO», «Industrial Armenia EXPO», «DigiTec Expo», «ArmHighTech Exhibition» ցուցահանդեսներին, եւ այլն։

Կողմերը հայտնում են իրենց պատրաստակամությունը՝ առավել մեծացնելու փոխադարձ ներդրումները՝ այնպիսի ոլորտներում համագործակցությունն ամրապնդելու նպատակով, ինչպիսիք են արդյունաբերությունը, տեղեկատվական եւ հեռահաղորդակցական տեխնոլոգիաները, գյուղատնտեսությունը, էներգետիկան եւ այլն, խթանելու բարձրորակ համագործակցությունը։

Կողմերը հայտնում են իրենց պատրաստակամությունը՝ քննարկելու առեւտրատնտեսական ոլորտին վերաբերող պայմանագրային-իրավական դաշտի կատարելագործումը, եւ ակտիվորեն ուսումնասիրում են առեւտրի եւ ներդրումների ընթացակարգերի ազատականացման եւ դյուրացման համար ինստիտուցիոնալ մեխանիզմ ստեղծելու հնարավորությունը։ Կողմերը վերահաստատում են իրենց վճռական դիրքորոշումը՝ պաշտպանելու բազմակողմ առեւտրային համակարգը, որի հիմքում ԱՀԿ-ն է, եւ աջակցում են Զարգացման համար ներդրումների դյուրացման (IFD) համաձայնագրի ներառմանը ԱՀԿ-ի իրավական կառուցվածքի մեջ։

Կողմերը հայտնում են իրենց պատրաստակամությունը՝ խորացնելու զարգացման մասով համագործակցությունը եւ մշակելու հնարավորություններ Հայաստանում ավելի մեծ թվով փոքր եւ գեղեցիկ սոցիալական ծրագրերի իրականացման համար։ Հայաստանն իր երախտագիտությունն է հայտնում Չինաստանին՝ շարունակական տեխնիկական աջակցության համար, ներառյալ՝ մարդկային ռեսուրսների զարգացման ծրագրերը։

Կողմերը հայտնում են իրենց պատրաստակամությունը՝ ամրապնդելու համագործակցությունը զբոսաշրջության ոլորտում։ Մասնավորապես Կողմերը բարձր են գնահատում երկու երկրների միջեւ հաստատված առանց վիզայի ռեժիմը, որը նշանակալիորեն խթանում է զբոսաշրջությունը, ամրապնդում է ժողովուրդների միջեւ շփումները եւ ընդլայնում տնտեսական, սոցիալական ու մշակույթային կապերը։ Կողմերը համաձայնում են, որ երկու երկրների միջեւ ուղիղ չվերթերի գործարկումը լրացուցիչ խթան է ծառայում զբոսաշրջության ոլորտում համագործակցության համար։ Չինաստանը ողջունում է Հայաստանի մասնակցությունը Չինաստանի զբոսաշրջության ամենամյա միջազգային ցուցահանդեսին (CITM) եւ այլ զբոսաշրջային ցուցահանդեսների։

Արմինֆո.  Օգոստոսի 30-ին վարչապետ Նիկոլ Փաշինյանն ընդունել է Ասիական զարգացման բանկի նախագահ Մասատո Կանդային:

Արմինֆո.

Արմինֆո. Վարչապետ Նիկոլ Փաշինյանն ընդունել է աշխարհում առաջատար ներդրումային բանկերից՝ Goldman Sachs-ի գլոբալ հարցերով նախագահ Ջարեդ Քոհենին:

Արմինֆո. Ակբա բանկը գործարկել է 66-րդ՝ «Հոմպլեքս մոլ» մասնաճյուղը: Նորաբաց մասնաճյուղն աշխատում է երկուշաբթիից կիրակի՝ ժամը 09:00-ից մինչև 24:00-ն  (հաշվարկադրամարկղային սպասարկում՝ 09:00-21:15):

Արմինֆո. Ռուսաստանի, Հայաստանի և Ադրբեջանի մասնակցությամբ եռակողմ պայմանավորվածությունները, որոնք ձեռք են բերվել 2020 - 2022թթ. տարածաշրջանային տնտեսական կապերի ապաշրջափակման համատեքստում, շարունակում են արդիական մնալ. կողմերից ոչ մեկը դրանցից դուրս չի եկել: ՌԴ ԱԳՆ ներկայացուցիչ Մարիա Զախարովան այդպես է մեկնաբանել ՀՀ վարչապետ Նիկոլ Փաշինյանի հայտարարությունն այն մասին, որ 2020 թվականի նոյեմբերի 9-ին ստորագրված համաձայնագրին վերադառնալու անհրաժեշտություն չկա:

Արմինֆո. Հայաստանի արտարժույթի միջբանկային շուկայում 2025թ. օգոստոսի 25-29-ը և դոլարային, և ռուբլով գործարքները նվազել են։ Եվրոյով գործարքներ արդեն երեք ամսից ավելի չեն իրականացվում։ Մասնավորապես, դոլարային գործարքների անկումն արագացել է 75,3%-ից մինչև 76,2%, իսկ ռուբլով գործարքների թրենդը ծավալվել է 5 անգամ էական աճից դեպի 34,2% անկում ։ Դա թույլ է տվել ռուբլով գործարքների շաբաթական ծավալին ընդլայնել դոլարի նկատմամբ գերակայությունը 3 անգամից մինչեւ 8,2 անգամ։

Արմինֆո. Հայաստանի պետական գանձարանի եկամուտները տարեկան կտրվածքով աճել են մոտ 16%-ով, ասվում է ՀՀ ֆինանսների նախարարության 2025 թվականի հունվար-հուլիս ամիսների պետական բյուջեի կատարման մասին տեղեկագրում։

Արմինֆո.  Տնտեսության կարևորագույն ճյուղերից մեկի՝ գյուղատնտեսության կայուն զարգացման համար ԱրարատԲանկն առաջարկում է նոր պրոդուկտ՝ «Անգրավ գյուղատնտեսական վարկ», որը նախատեսված է գյուղատնտեսական ոլորտում գործունեություն ծավալող ֆիզիկական և իրավաբանական անձանց, ինչպես նաև անհատ ձեռնարկատերերի համար։

Արմինֆո.ՌԴ ԱԳՆ ներկայացուցիչ Մարիա Զախարովան չի բացառել ՀՀ վարչապետ Նիկոլ Փաշինյանի մասնակցությունը սեպտեմբերի 25-28-ը Մոսկվայում կայանալիք "Համաշխարհային ատոմային շաբաթ"միջազգային համաժողովին: Այս մասին նա հայտարարել է իր ամենշաբաթյա ճեպազրույցի ժամանակ ՝ պատասխանելով լրագրողների հարցերին ։

ԱրմԻնֆո: Վաշինգտոնում հայ-ամերիկյան փաստաթղթերի ստորագրումից 20 օր անց ՀՀ կառավարությունը դրանք ներկայացրել է օգոստոսի 29-ին՝ Facebook-ի իր էջում:

Արմինֆո. Ամերիաբանկը գործարկել է թվային բիզնես քարտեր իրավաբանական անձ հաճախորդների համար՝ բիզնեսներին առաջարկելով նորարարական, անվտանգ և մատչելի լուծում: Թվային բիզնես քարտերը պատվիրելուց և ակտիվացումից հետո հասանելի են անմիջապես՝ առանց սպասելու ֆիզիկական քարտի թողարկմանը, նվազեցնում են պլաստիկի օգտագործումը և ապահովված են ժամանակակից թվային պաշտպանությամբ:

Արմինֆո.